ՍԴ-ն հրապարակել է ԹՐԻՓՓ-ի համաձայնագրի ամբողջական որոշումը

Սահմանադրական դատարանը հրապարակել է Հայաստանի և ԱՄՆ-ի միջև «Թրամփի ուղի՝ հանուն միջազգային խաղաղության և բարգավաճման» (ԹՐԻՓՓ) նախագծի շրջանակային համաձայնագրի վերաբերյալ ամբողջական որոշումը։ Դատարանը եզրակացրել է, որ փաստաթղթով Հայաստանի ստանձնած պարտավորությունները համապատասխանում են ՀՀ Սահմանադրությանը։

Որոշման տեքստում նշվում է, որ Հայաստանը պահպանում է լիակատար ինքնիշխանությունն ու իրավազորությունը իր տարածքում։ Դա վերաբերում է նաև սահմանների, մաքսային և սահմանային վերահսկողության լիազորություններին։

Համաձայնագրով նախատեսվում է ստեղծել ԹՐԻՓՓ-ի զարգացման ընկերություն՝ ԹԶԸ, որտեղ ամերիկյան կողմին կպատկանի 74%, իսկ Հայաստանին՝ 26% մասնակցություն։ Փաստաթուղթը նաև նախատեսում է ԹԶԸ-ին մինչև 49 տարի ժամկետով հողօգտագործման և կառուցապատման իրավունքների տրամադրում։

Սահմանադրական դատարանը նշել է, որ Հայաստանի ստանձնած պարտավորությունները համահունչ են Սահմանադրությամբ ամրագրված ինքնիշխանության և արտաքին քաղաքականության սկզբունքներին։

Կառավարությունը հուլիսին դիմել էր Սահմանադրական դատարան՝ համաձայնագրի սահմանադրականությունը ստուգելու համար։ Այժմ, ՍԴ որոշումից հետո, համաձայնագիրը սահմանված կարգով կուղարկվի Ազգային ժողով՝ վերջնական վավերացման։

Աղբյուր՝ armtimes.com