2013 թվականին հիմնադրված SAV group-ը գործունեությունը սկսել է լավաշի արտադրության համար ժամանակակից և արդյունավետ լուծումներ առաջարկելու նպատակով։ Ընկերությունը տարիների ընթացքում ուսումնասիրել է շուկայի պահանջարկն ու արտադրողների կարիքները, մշակել սեփական տեխնոլոգիական լուծումներ և ստեղծել հեղինակային սարքավորումներ, որոնք այսօր արդեն պահանջված են շուկայում։
Ընկերության ներկայացմամբ՝ իր առանձնահատուկ մշակումներից մեկը «երկուսը մեկում» մոդելն է, որը հնարավորություն է տալիս միաժամանակ արտադրել լավաշ և հացաբուլկեղեն։ Այժմ SAV group-ի մասնագետներն աշխատում են նաև նոր նախագծերի վրա, որոնք միտված են արտադրության արդյունավետության բարձրացմանը։
Ընկերության զարգացման ծրագրերի իրականացման և արտադրական կարողությունների ընդլայնման համար կարևոր նշանակություն է ունեցել ֆինանսական աջակցությունը։ Նոր սարքավորումներ ձեռք բերելու և բիզնեսի հետագա զարգացման նպատակով SAV group-ը օգտվել է Կոնվերս Բանկի Converse SME և Converse Leasing ֆինանսավորման գործիքներից։
Converse SME ծրագրի շրջանակում ֆինանսավորում է տրամադրվում մինչև 250 մլն ՀՀ դրամի կամ համարժեք արտարժույթի չափով՝ մինչև 180 ամիս մարման ժամկետով։ Converse Leasing-ի շրջանակում ֆինանսավորման առավելագույն չափը մինչև 1 մլրդ ՀՀ դրամ կամ համարժեք արտարժույթ է, իսկ ժամկետը՝ մինչև 84 ամիս։
SAV group-ում նշում են, որ զարգացման հաջորդ փուլերում ևս ակնկալում են շարունակել համագործակցությունը Կոնվերս Բանկի հետ՝ այն դիտարկելով որպես վստահելի գործընկեր ընկերության աճի և ընդլայնման ծրագրերում։
Աղբյուր՝ www.1in.am
