Ռուսաստանի Դաշնությունը ակնկալում է, որ Հայաստանը կտրամադրի գյուղատնտեսական մատակարարման շղթաներում խախտումների վերաբերյալ իր հետաքննության արդյունքները: «Ռոսսելխոզնադզոր»-ից հայտնել են, որ հայկական կողմը պետք է ներկայացնի հետաքննության արդյունքները և ձեռնարկված միջոցառումների մասին տեղեկատվությունը, ինչպես նաև առաջարկված գործողությունների ալգորիթմը՝ ԵԱՏՄ անասնաբուժական և բուսասանիտարական պահանջների պահպանման վերաբերյալ:
Լրատվամիջոցները հիշեցնում են, որ մայիսի սկզբից Ռուսաստանը սկսել է սահմանափակումներ մտցնել հայկական գյուղմթերքի ներմուծման վրա: Ավելի ուշ ՌԴ գյուղատնտեսության նախարար Օքսանա Լուտը հայտարարել է, որ Հայաստանը կկարողանա վերականգնել ագրոարդյունաբերական մթերքի մատակարարումները նախկին ծավալով միայն ԵԱՏՄ անասնաբուժական և բուսասանիտարական չափանիշների խիստ պահպանման դեպքում:
Աղբյուր՝ www.1in.am
