Հայաստանի վարչապետ Նիկոլ Փաշինյանի նախագահությամբ օգոստոսի 21-ին տեղի ունեցավ խորհրդակցություն, որի ընթացքում քննարկվեցին շինարարության որակի տեխնիկական վերահսկման բարեփոխումների հարցերը:
Խորհրդակցության ընթացքում շինարարության կոմիտեի նախագահ Եղիազար Վարդանյանը ներկայացրեց շինարարության որակի տեխնիկական վերահսկման թվայնացման և իրավական կարգավորման արդիականացման մանրամասները, որոնք ուղղված են նախագծերի որակի և որակավորման բարձրացմանը, նոր գների քաղաքականության ընդունմանը, շինարարական և զարգացող ընկերությունների վարկանիշավորման, միջազգային շենքերի սերտիֆիկացման համակարգերի կիրառման խթանմանը և բազմաբնակարան շենքերի կառավարման և շահագործման ինստիտուտի զարգացմանը:
Բարեփոխումների արդյունքում ակնկալվում է, որ բոլոր մասնակիցները կհամախմբվեն մեկ էլեկտրոնային համակարգում, պայմանագրերը կկատարվեն առցանց, աշխատանքները կգրանցվեն իրական ժամանակում, վերահսկող մարմինների համար տեղեկատվությանը առցանց հասանելիություն կտրամադրվի, գործընթացների թափանցիկությունը և վերահսկումը կկարգավորվեն, ինչպես նաև շինարարության որակը կբարձրանա:
Այս համատեքստում քննարկվել է շինարարական նախագծերի կառավարման համակարգի ներդրման, ընդլայնման, գործարկման և սպասարկման հարցերը:
Վարչապետը, նշելով շինարարության որակի և վերահսկման բարձրացման ուղղությամբ ընթացող գործընթացը, ընդգծել է, որ բոլոր փուլերում ստանդարտներին համապատասխանության ստուգման կարևորությունն ու հանձնարարել է անհրաժեշտ քայլեր ձեռնարկել այս համակարգի ներդրման համար:
Աղբյուր՝ finport.am
