ԵՐԵՎԱՆ, 6 օգոստոսի. /ԱՌԿԱ/. Միջազգային վարկանիշային գործակալություն Moody’s Ratings-ը փոփոխել է IDBank-ի երկարաժամկետ վարկանիշների կանխատեսումը կայունից դրականի, հայտնում է բանկի մամուլի ծառայությունը:
Հիշեցնենք, որ վերջերս Moody’s-ը հաստատել է IDBank-ի երկարաժամկետ վարկանիշները Ba3 մակարդակում, ինչպես նաև բանկի հիմնական վարկանիշը (BCA) և ճշգրտված BCA գնահատականը ba3 մակարդակում, նշելով կապիտալի և լիկվիդության ամուր բուֆերները, բարձր շահութաբերությունը և ակտիվների որակի շարունակական բարելավումը:
Դրական կանխատեսումը արտացոլում է Հայաստանի գործող միջավայրի բարելավումը, որը կարող է նպաստել բանկի վարկանիշների հետագա բարձրացմանը: Moody’s-ի գնահատմամբ, հաջորդ 12-18 ամիսների ընթացքում IDBank-ը կպահպանի բարձր վճարունակության և լիկվիդության ցուցանիշները:
Պետք է նշել, որ IDBank-ի երկարաժամկետ վարկանիշները և հիմնական վարկանիշը (BCA) գտնվում են Հայաստանի Հանրապետության պետական վարկանիշի մակարդակում:
Բանկը կարգավորվում է ՀՀ ԿԲ-ի կողմից:
Աղբյուր՝ arka.am
