ԵՐԵՎԱՆ, 4 օգոստոսի. /ԱՌԿԱ/. Միջազգային վարկանիշային գործակալություն Moody’s, միաժամանակ Հայաստանի պետական վարկանիշի կանխատեսումը բարձրացնելու հետ, փոփոխել է Ակբա բանկի երկարաժամկետ ավանդային վարկանիշի և էմիտենտի վարկանիշի կանխատեսումը Ba3 մակարդակում՝ «հաստատուն»ից «դրական»:
Այս վարկանիշը համապատասխանում է Հայաստանի Հանրապետության պետական վարկանիշին և ներկայումս Moody’s-ի կողմից Հայաստանում տրամադրվող առավելագույն վարկանիշային մակարդակն է:
Վարկանիշը շնորհվել է բանկին՝ հաշվի առնելով ակտիվների բարձր որակը, զգալի կապիտալի պաշարները, ինչպես նաև բարձր վճարունակության և լիկվիդության ցուցանիշները:
Moody’s-ը նաև ընդգծում է Ակբա բանկի համակարգային նշանակությունը Հայաստանի ֆինանսական շուկայում, քանի որ ակտիվների ծավալով բանկը շարունակում է մտնել երկրի երեք խոշորագույն բանկերի շարքում:
Բանկը գտնվում է Հայաստանի Հանրապետության Կենտրոնական բանկի վերահսկողության տակ:
Աղբյուր՝ arka.am
