ՀՀ էկոնոմիկայի նախարար Գևորգ Պապոյանը ընդունել է Համաշխարհային բանկի (ՀԲ) և Հայաստանի տարածքային զարգացման հիմնադրամի ներկայացուցիչներին: Հանդիպման ընթացքում քննարկվել է ՀԲ-ի "Տուրիզմի և տարածաշրջանային ենթակառուցվածքների զարգացում" (TRIP) ծրագրի իրականացման ընթացքը, ինչպես նաև ծրագրի մեխանիզմների կատարելագործման, ճկունության բարձրացման և համապատասխան գործընթացների արագացման հարցերը:
Նախարարն ընդգծել է ծրագրի կարևորությունը զբոսաշրջության զարգացման և տարածաշրջանային ենթակառուցվածքների արդիականացման համար, և կողմերը հաստատել են արդյունավետ իրականացման ապահովման նպատակով սերտ համագործակցության շարունակման պատրաստակամությունը:
TRIP ծրագրի շրջանակներում նախատեսվում է 120 միլիոն եվրո ներդրում զբոսաշրջային կլաստերների զարգացման համար, որոնք ընդգրկում են Գորիս, Արենի, Ջերմուկ, Եղեգիս, Դվին, Գյումրի և Դիլիջան:
Ծրագրի նպատակն է խթանել գինու, առողջարարական, արկածային, մշակութային, կրթական և էկոտուրիզմի զարգացմանը:
Նշենք, որ 2026 թվականի առաջին կիսամյակում Հայաստան այցելել է 1.041 միլիոն զբոսաշրջիկ, ինչը 14.8% -ով գերազանցում է նախորդ տարվա ցուցանիշը:
Աղբյուր՝ finport.am
