«Մի դրամի ուժը» նախաձեռնությամբ սեպտեմբերին հավաքագրվող միջոցները կուղղվեն «Կլիմայի փոփոխությունը և կանայք» մրցանակաբաշխության կազմակերպմանը։ Ծրագրի նպատակն է նկատելի դարձնել կանանց առաջնորդությունն ու ներդրումը կլիմայի փոփոխության դեմ պայքարում և կենսաբազմազանության պահպանության գործում։
Մրցանակաբաշխությունը կազմակերպվում է COP17-ի շրջանակում՝ «Women in Climate and Energy» (WiCE) ՀԿ-ի, OxYGen Foundation-ի, Միավորված ազգերի կազմակերպության զարգացման ծրագրի (UNDP), CBD Women’s Caucus-ի և Հայաստանի Հանրապետության շրջակա միջավայրի նախարարության համագործակցությամբ։
Idram-ի և IDBank-ի հաղորդակցության և կայուն զարգացման բաժնի ղեկավար Տաթևիկ Վարդևանյանի խոսքով՝ բնապահպանությունն ու կայուն զարգացումը «Մի դրամի ուժը» նախաձեռնության առանցքային ուղղություններից են, և այդ պատճառով ծրագիրը լիովին համահունչ է դրա արժեքներին։ Նա նշել է, որ Idram-ն ու IDBank-ը շարունակում են աջակցել նախաձեռնությունների, որոնք ոչ միայն բարձրացնում են կարևոր խնդիրներ, այլև ուղղված են գործնական լուծումների և կայուն ապագայի ձևավորմանը։
«Women in Climate and Energy» ՀԿ-ի հիմնադիր և տնօրեն Նունե Սականյանի գնահատմամբ՝ նախաձեռնությունը կարևոր հարթակ է կանանց աշխատանքի տեսանելիությունը բարձրացնելու և նրանց դերի մասին խոսելու համար։ Նրա խոսքով՝ «Մի դրամի ուժը» նախաձեռնության աջակցությունը էական է COP17-ի հատուկ թողարկմամբ «Կլիմայի փոփոխությունը և կանայք» մրցանակաբաշխության իրականացման, կանանց առաջնորդության արժևորման և արդյունավետ բնապահպանական լուծումների խթանման համար։
Նյութում նաև նշվում է, որ օգոստոսին «Մի դրամի ուժը» նախաձեռնության շահառուն «Orran» բարեգործական հասարակական կազմակերպությունն էր։ Հավաքագրված 4,719,020 դրամի շնորհիվ կազմակերպության խնամառու երեխաները նոր ուսումնական տարին սկսել են անհրաժեշտ դպրոցական հագուստով և գրենական պիտույքներով ապահովված։
Նախաձեռնությունը շարունակում է աջակցել սոցիալական, համայնքային և կրթական ծրագրերի։ Դրան միանալու համար վճարումները պետք է կատարվեն Idram&IDBank հավելվածով, IDBanking.am և banking.idram.am առցանց հարթակներով կամ Idram և IDBank վճարային տերմինալներով։ Յուրաքանչյուր վճարման դիմաց ընկերությունները մեկական հայկական դրամ են հատկացնում կարևոր նախագծերի իրականացմանը։
IDBANK AND IDRAM ARE SUPERVISED BY THE CBA
Աղբյուր՝ en.b24.am
