Փոխվարչապետ Մհեր Գրիգորյանն ընդունել է Ասիական զարգացման բանկի (ԱԶԲ) հայաստանյան մշտական առաքելության տնօրեն Լյազիզա Սաբիրովային։
Հանդիպման ընթացքում կողմերը քննարկել են ԱԶԲ-ի հետ համատեղ իրականացվող ծրագրերի ընթացքը և անդրադարձել համագործակցության հնարավոր նոր ուղղություններին։
Մհեր Գրիգորյանը կարևորել է նաև ԱԶԲ-ի և մասնավոր հատվածի միջև համագործակցության հետագա զարգացումը՝ ընդգծելով այդ ձևաչափի նշանակությունը տնտեսական օրակարգի առաջմղման տեսանկյունից։
Զրույցի ընթացքում անդրադարձ է կատարվել նաև տարածաշրջանային հաղորդակցությունների ապաշրջափակման հնարավորություններին և այն հեռանկարներին, որոնք կարող են բացվել տարածաշրջանի երկրների համար։
Աղբյուր՝ www.gov.am
