ԵՐԵՎԱՆ, 28 օգոստոսի. /ԱՌԿԱ/. Ռուսաստանի արտաքին գործերի նախարար Սերգեյ Լավրովը կոչ է արել Հայաստանին կատարել անկեղծ ընտրություն և որոշվել ԵՄ-ի և ԵԱՏՄ-ի միջև:
Նախկինում վարչապետ Նիկոլ Փաշինյանը հայտարարել էր, որ Հայաստանը մտադիր է 2029 թվականին հասնել ԵՄ-ի հետ վիզաների ազատականացման, իսկ մոտ ապագայում, հնարավոր է, սկսի դիմել ԵՄ-ին անդամակցության համար:
«Դեկլարացված է ԵՄ-ով կողմնորոշվելու նպատակ, ընդունվել է օրենք ԵՄ-ին անդամակցության գործընթացի մեկնարկի մասին: ԵԱՏՄ երկրների ղեկավարները մայիսյան գագաթաժողովում հայտարարություն են ընդունել, որում կոչ են արել հայկական իշխանություններին անցկացնել հանրաքվե և որոշել՝ ցանկանում են ԵՄ-ում լինել, թե մնալ ԵԱՏՄ-ում: Իմ կարծիքով, սա լիովին արդարացված պահանջ է»,- նշել է Լավրովը:
Լավրովը նաև ընդգծել է, որ Հայաստանը պետք է ցույց տա անկեղծ ընտրություն՝ հաշվի առնելով, որ վերջին երեք տարիների ընթացքում երկիրն ավելի քան $6 միլիարդ ապրանքաշրջանառություն է ունեցել:
Աղբյուր՝ arka.am
