Երեւան: Մեդիամաքս: ՀՀ տարածքային կառավարման եւ ենթակառուցվածքների նախարարության եւ հայկական «Էլեկտրաէներգետիկական համակարգի օպերատոր» ընկերության, Ադրբեջանի էներգետիկայի նախարարության եւ ադրբեջանական «Ազերէներջի» ընկերության ներկայացուցիչները հանդիպել են այսօր Լաչին քաղաքում:
Հայաստանի տարածքային կառավարման եւ ենթակառուցվածքների նախարարությունից հայտնել են, որ աշխատանքային հանդիպման ընթացքում կողմերը քննարկել են երկու երկրների միջեւ էլեկտրաէներգիայի ներմուծման եւ արտահանման հնարավորությունները: Հանդիպմանը քննարկվել են նաեւ երկու պետությունների էներգետիկ ենթակառուցվածքները պետական սահմանին փոխկապակցելու հնարավոր տարբերակները։
Աղբյուր՝ mediamax.am
