Իրանի պաշտոնական աղբյուրները հայտնում են, որ Թեհրանը կոչ է անում վերացնել բոլոր խոչընդոտները Նորդուզ անցակետում, որը գտնվում է Իրանի և Հայաստանի սահմանին։ Այս մասին հայտարարել է Իրանի ազատ տնտեսական գոտիների բարձրագույն խորհրդի քարտուղար Հոսեյն Ֆորուզանը։
Նրա խոսքով, անհրաժեշտ է մշտական վերահսկողություն և ճշգրիտ համակարգում բոլոր մարմինների միջև, որոնք պատասխանատու են այս սահմանին։ Ֆորուզանը նշել է, որ առևտրային և տրանսպորտային գործընթացների հեշտացման համար գործադիր և վերահսկող մարմինները պետք է խուսափեն առանձին որոշումներ ընդունելուց։
Նա հավելել է, որ ավտոմեքենաների սպասարկման ժամանակի կրճատումը և մաքսային ծառայությունների մակարդակի բարձրացումը անմիջականորեն կապված են արտահանման զարգացման հետ, և այդ ճանապարհին խոչընդոտները պետք է արագ վերացվեն։
«Ֆիզիկական ենթակառուցվածքի զարգացումը և մաքսային ընթացակարգերի պարզեցումը Նորդուզում անհրաժեշտ են այս տարածքի տրանսպորտային հնարավորությունների արդյունավետ օգտագործման համար»,- նշել է Ֆորուզանը։
Հիշեցնենք, որ Նորդուզ անցակետը, որը գտնվում է Արաքս գետի մոտ, Իրանի և Հայաստանի միջև միակ ցամաքային սահմանն է և ունի ռազմավարական դեր Հայաստանի առևտրային հարաբերություններում Եվրասիական տնտեսական միության անդամների հետ։
Աղբյուր՝ finport.am
