Ամերիկացի ձեռնարկատեր Իլոն Մասկը հունիսի վերջի դրությամբ տիրապետում է SpaceX ընկերության բաժնետոմսերի 48.4%-ին: Այս մասին է վկայում ԱՄՆ արժեթղթերի և բորսաների հանձնաժողովի (SEC) փաստաթուղթը:
Միլիարդատերը տիրապետում է օդատիեզերական ընկերության 6 418 547 515 բաժնետոմսի, որոնց արժեքը ընթացիկ շուկայական գնանշումների հիման վրա գնահատվում է մոտ 908 մլրդ դոլար:
Գերատեսչության փաստաթղթերի համաձայն՝ SpaceX-ի բաժնետոմսերի մեծությամբ երկրորդ սեփականատերը Valor Equity Partners վենչուրային հիմնադրամի ղեկավար Անտոնիո Գրասիասն է։ Հաշվետվությունից հետևում է, որ նա վերահսկում է ընկերության 503 414 530 բաժնետոմս, ինչը կազմում է այս դասի արժեթղթերի ընդհանուր քանակի 6.5%-ը և նրան դարձնում է Իլոն Մասկից հետո ընկերության խոշորագույն արտաքին ներդրողը:
SpaceX-ի բաժնետոմսերի խոշորագույն փաթեթների այլ սեփականատերերի թվում են նաև Alphabet կորպորացիան (Google) և Fidelity Investments ֆինանսական խումբը, որոնց համատեղ բաժնեմասը մոտավորապես գնահատվում է 6-8%։
Աղբյուր՝ b24.am
