Ռոման Երիցյանը, ով բռնագաղթել է Արցախից, հայտարարել է, որ ՀՀ կառավարությունը վաղ թե ուշ տիրանալու է Արցախի ներդրումային հիմնադրամի միջոցներին։ Նա կոչ է անում արցախցիներին, ովքեր ունեն չկատարված պարտավորություններ հիմնադրամի նկատմամբ, դիմել դատարան՝ ստանալու իրենց հասանելիք միջոցները։
«Հարցի լուծումը հնարավոր է միայն դատական ճանապարհով։ Այս պահի դրությամբ ունենք բավարարված և փաստացի կատարված չորս դատական ակտ», - նշել է Երիցյանը։
Նա նաև ընդգծել է, որ ներդրումային հիմնադրամի միջոցները կապ չունեն կուտակային կենսաթոշակների կամ արցախցիների այլ գումարների հետ, և պետական բյուջեի սառեցված միջոցները պետք է բաշխվեն քաղաքական մակարդակով։
Աղբյուր՝ panorama.am
