Հայաստանի բարձր տեխնոլոգիական արդյունաբերության նախարար Դավիթ Թադևոսյանը հանդիպել է Կազախստանի փոխվարչապետ, արհեստական բանականության և թվային զարգացման նախարար Ժասլան Մադիևի հետ:
Հանդիպման ընթացքում կողմերը քննարկել են Հայաստանի և Կազախստանի միջև բարձր տեխնոլոգիաների, արհեստական բանականության, նորարարությունների և թվային փոխակերպման ոլորտներում համագործակցության ընդլայնման հնարավորությունները:
Նախարարները հաստատել են շարունակական համագործակցության պատրաստակամությունը՝ նպաստելով երկու երկրների տեխնոլոգիական էկոհամակարգերի զարգացմանը և համատեղ նախաձեռնությունների իրականացմանը:
Ինչպես հայտնում է բարձր տեխնոլոգիական արդյունաբերության նախարարության մամուլի ծառայությունը, Ժասլան Մադիևը ժամանել է Հայաստան՝ մասնակցելու օրերս տեղի ունեցած Firebird AI ընկերության արհեստական բանականության գործարանի պաշտոնական բացման արարողությանը, որտեղ մասնակցել են նաև Հայաստանի վարչապետը, NVIDIA, Dell Technologies և այլ միջազգային տեխնոլոգիական ընկերությունների ղեկավարներ:
Աղբյուր՝ arminfo.info
