2026 թվականի առաջին կեսին Հայաստանում հարկային օրենսդրության պահպանման ցուցանիշները բարելավվել են: ՀՀ Պետական եկամուտների կոմիտեի մամուլի ծառայության հաղորդմամբ, հարկային վարչարարության արդյունավետության բարձրացումը, հարկ վճարողների կողմից հարկային օրենսդրության կամավոր պահպանման խթանումը, ինչպես նաև վարչական գործընթացների ավելի նպատակաուղղված և կանխատեսելի կազմակերպումը կազմում են գերատեսչության աշխատանքի հիմնական ուղղությունները:
2026 թվականի առաջին կեսին իրականացված հարկային վարչարարության արդյունքում նկատելիորեն բարելավվել են հարկային օրենսդրության պահպանման հիմնական ցուցանիշները: Մասնավորապես, նվազել է ստուգումների թիվը, ընդլայնվել է վերլուծական գործիքների օգտագործումը:
2026 թվականի առաջին կեսին 6783 ստուգում է իրականացվել, իսկ 2025 թվականի նույն ժամանակահատվածում՝ 5346: Ստուգումների թիվը 21%-ով նվազել է, իսկ վերլուծական գործիքների կիրառմամբ իրականացված վարչական աշխատանքների ծավալը 38%-ով աճել է:
2026 թվականի առաջին կեսին հարկային մարմնի նախաձեռնությամբ իրականացված ստուգումների արդյունավետությունը բարձրացել է: 2025 թվականին 3851 ստուգումից 72.5%-ը, իսկ 2026 թվականին 3393 ստուգումից 78.2%-ը եղել են խախտումներով:
Այսպիսով, ընդհանուր ստուգումների թվի նվազման պայմաններում խախտումներով ստուգումների մասնաբաժինը աճել է 5.7 տոկոսային կետով, ինչը վկայում է ստուգումների նպատակաուղղվածության և արդյունավետության աճի մասին:
Նույն ժամանակ, հարկային կարգապահության բարելավման դրական միտումները արտահայտվում են նաև հարկ վճարողների կողմից իրականացված գործառնությունների աճում:
2026 թվականի առաջին կեսին հարկային ապարատների միջոցով արձանագրված գործառնությունների թիվը 21.6%-ով աճել է:
Աղբյուր՝ finport.am
