Հայաստանի արտահանման ծավալները կարող են կրճատվել 25-27%՝ եթե երկիրը դուրս գա Եվրասիական տնտեսական միությունից (ԵԱՏՄ): Այս մասին հայտնել է Պ.Ա. Ստոլիպինի անվան տնտեսական աճի ինստիտուտի գործադիր տնօրեն Անտոն Սվիրիդենկոն:
Նրա խոսքով, եթե Հայաստանը կորցնի ազատ առևտրի հնարավորությունը ԵԱՏՄ-ի հետ, ապա դա կհանգեցնի նաև աշխատուժի ազատ տեղաշարժի կորուստի: «Հայաստանի քաղաքացիները, հավանաբար, ստիպված կլինեն աշխատելու համար ստանալ աշխատանքային թույլտվություններ, այլ ոչ թե ներկայիս կարգով, երբ կարող են աշխատել ցանկացած երկրում առանց լրացուցիչ թույլտվությունների», - նշել է նա:
Հիշեցնենք, որ Հայաստանի վարչապետ Նիկոլ Փաշինյանը նախօրեին հայտարարել էր, որ Հայաստանը մոտ ապագայում կսկսի Եվրամիություն անդամակցության հայտ ներկայացնելու գործընթացը:
Աղբյուր՝ finport.am
