ԵՐԵՎԱՆ, 25 օգոստոսի. /ԱՌԿԱ/. Հայաստանի և Ադրբեջանի ներկայացուցիչները քննարկել են երկու երկրների միջև էլեկտրաէներգիայի ներմուծման և արտահանման հնարավորությունները, հաղորդում է Հայաստանի տարածքային կառավարման և ենթակառուցվածքների նախարարությունը:
Աշխատանքային հանդիպումը տեղի է ունեցել օգոստոսի 25-ին Լաչին քաղաքում:
Հայկական կողմը ներկայացված էր տարածքային կառավարման և ենթակառուցվածքների նախարարության և «Էլեկտրաէներգետիկ համակարգի օպերատոր» ընկերության ներկայացուցիչներով, իսկ ադրբեջանական կողմը՝ էներգետիկայի նախարարության և «Ազերէներջի» ընկերության ներկայացուցիչներով:
Հանդիպման ընթացքում կողմերը քննարկել են էլեկտրաէներգիայի ներմուծման և արտահանման հնարավորությունները, ինչպես նաև երկու երկրների էներգետիկ ենթակառուցվածքների միացման հնարավոր տարբերակները պետական սահմանին:
Աղբյուր՝ arka.am
