Հայաստանում հայտնի ձեռնարկատեր, բարերար և «Ծաղկող Հայաստան» կուսակցության առաջնորդ Գագիկ Ծառուկյանը, ով ներկայումս գտնվում է կալանքի տակ, կոչ է արել իր պաշտպանության համար ստեղծված Հասարակական կոմիտեին պայքարել բոլորի իրավունքների համար, ովքեր ենթարկվում են քաղաքական հետապնդումների:
«Մի սահմանափակեք այս կոմիտեի գործունեությունը միայն իմ իրավունքների պաշտպանությամբ: Իմ խնդրանքն այն է, որ դուք դառնաք բոլոր մեր քաղաքացիների կողմնակիցներն ու պաշտպանները, ովքեր այսօր ենթարկվում են քաղաքական հետապնդումների Հայաստանում»,- նշել է Ծառուկյանը:
Նա նաև շնորհակալություն է հայտնել Հասարակական կոմիտեի ստեղծման նախաձեռնության համար, որի անդամ են դարձել շուրջ վեց տասնյակ հեղինակավոր դեմքեր տարբեր ոլորտներից:
«Շնորհակալություն բոլորիդ: Դժվար է մի քանի բառերով նկարագրել իմ անկեղծ մարդկային զգացմունքներն ու շնորհակալությունը ձեզ: Կարող եմ միայն ասել, որ երբեք չեմ մոռանա դա»,- նշել է Ծառուկյանը:
Հիշեցնենք, որ հուլիսի 6-ին «Ծաղկող Հայաստան» կուսակցության առաջնորդ և ձեռնարկատեր Գագիկ Ծառուկյանը ձերբակալվել է և տեղափոխվել Հայաստանի Քննչական կոմիտե: Նա մեղադրվում է խարդախության և մեծ չափերի գումարների օրինականացման մեջ:
Աղբյուր՝ arminfo.info
