ԵՐԵՎԱՆ, 27 օգոստոսի. /ԱՌԿԱ/. Եվրոպական կենտրոնական բանկի (ԵԿԲ) անդամ Պիերո Չիպոլլոնեն հայտարարել է, որ թվային եվրոն ապահովելու է օգտագործողների առավելագույն գաղտնիություն: Թվային եվրոն նոր ձևաչափ է, որը ԵԿԲ-ն նախատեսում է սկսել փորձարկման փուլում արդեն հաջորդ տարի:
Չիպոլլոնեն այս հայտարարությունը արել է իտալական ilsussidiario.net կայքին տված հարցազրույցում, որը հրապարակվել է ԵԿԲ-ի կողմից երկուշաբթի օրը: Հարցին, թե արդյոք ԵԿԲ-ն կարող է հետևել վճարային սովորություններին և թե ինչպես է յուրաքանչյուր քաղաքացի օգտագործում թվային եվրոն, նա պատասխանել է, որ թվային եվրոն նախատեսված է օգտագործելու համար օֆլայն ռեժիմում: Այս դեպքում գործարքները կկատարվեն անմիջապես ֆիզիկական անձանց միջև, իսկ համապատասխան տվյալները հասանելի կլինեն միայն վճարողին և վճարման ստացողին:
Նրա խոսքով, օնլայն ռեժիմում Եվրո համակարգը չի կարող նույնականացնել մարդկանց, ովքեր կատարում են վճարումներ կամ ստանում դրանք: Դա կարող են անել միայն գործարքում ներգրավված բանկերը, այդ թվում՝ փողերի լվացման դեմ պայքարի նպատակով:
Բանկային փոխանցման դեպքում գործարքի բոլոր մանրամասները հայտնի են ներգրավված կողմերին, նշել է ԵԿԲ-ի ներկայացուցիչը: Սակայն, նրա խոսքով, թվային եվրոն ապահովելու է ավելի բարձր գաղտնիության մակարդակ: «Практически, независимо от того, используется ли цифровой евро онлайн или офлайн, Евросистема не сможет напрямую связать конкретных лиц с транзакциями в цифровом евро. Цифровой евро гарантирует максимальный уровень конфиденциальности, который только возможно обеспечить с помощью современных технологий», — ասել է Չիպոլլոնեն:
Հուլիսի կեսերին ԵԿԲ-ն ընտրեց 36 բանկ և ընկերություն 12 ամիս տևողությամբ փորձարկման համար, որը նախատեսվում է սկսել 2027 թվականի երկրորդ կեսին: Իրական թվային եվրոյի թողարկումը նախատեսված է 2029 թվականին:
Աղբյուր՝ armbanks.am
