Ընդհանուր դրույթներ
- «ԷՎՈԿԱԲԱՆԿ» ԲԲԸ-ն (այսուհետ՝ Բանկ) իրականացնում է իրավաբանական և ֆիզիկական անձանցից (ռեզիդենտ, ոչ ռեզիդենտ) ժամկետային ավանդների (այսուհետ՝ Ավանդ) ներգրավում:
- Ավանդները ներգրավվում են՝ ՀՀ դրամով, ԱՄՆ դոլարով, Եվրոյով և ՌԴ ռուբլով:
- Ավանդներն ընդունվում են ինչպես կանխիկ այնպես էլ անկանխիկ եղանակով:
- Ֆիզիկական անձ հաճախորդի կողմից Ավանդի ներդրումը ձևակերպվում է Բանկի կողմից սահմանված ձևի Հայտ-պայմանագիրը ստորագրելով:
- Ֆիզիկական անձ հանդիսացող Ավանդատուերի ավանդները երաշխավորվում են ՀՀ օրենքով:
- Ավանդի գումարի վերադարձը կատարվում է պայմանագրի վերջին օրը:
- Հաշվեգրված տոկոսների վճարումը իրականացվում է համաձայն Հաճախորդի կողմից Հայտ-պայմանագրում նշված պարբերականության:
- Ավանդների հետ կապված կանխիկ գործառնությունների միջնորդավճարները սահմանվում են Բանկի «Սակագներով և դրույքներով»:
- Արտարժույթով ներդրված ավանդների դիմաց հաշվեգրված տոկոսագումարները կարող են վճարվել ըստ ավանդի արժույթի:
- Ավանդատուն կարող է ստանալ վարկ կամ օվերդրաֆտ մինչև 90% չափով իր ժամկետային ավանդի ապահովվածությամբ:
ԱՆՀՐԱԺԵՇՏ ՏԵՂԵԿԱՏՎՈՒԹՅՈՒՆ
- Հաճախորդը կարող է ավանդ ներդնել ինչպես Բանկի գործունեության վայրում, այնպես էլ հեռակառավարման համակարգերի միջոցով:
- Հեռակառավարման համակարգերի միջոցով ավանդ ներդնելու համար Հաճախորդը պետք է նախապես հանդիսանա Բանկի հաշվետեր հաճախորդ:
- Ավանդների ներդրումը, դրանց դիմաց հաշվեգրված տոկոսագումարների վճարումը կարող է կատարվել ինչպես կանխիկ, այնպես էլ անկանխիկ եղանակով:
- Ավանդ ներդնելու համար անհրաժեշտ է ներկայացնել անձը հաստատող փաստաթուղթ:
- Բանկը կարող է պահանջել լրացուցիչ փաստաթղթեր:
- Ֆիզիկական անձանց ավանդները երաշխավորվում են ՀՀ օրենքով:
- Ավանդի գումարի վերադարձը կատարվում է պայմանագրի վերջին օրը:
- Արտարժույթով ավանդների ներդրման դեպքում արտարժույթի փոխարժեքի տատանումների ռիսկը կրում է Հաճախորդը:
Աղբյուր՝ www.evoca.am
