Եվրասիական տնտեսական հանձնաժողովի կոլեգիայի նախագահ Բակիտժան Սագինտաևը շնորհավորել է Նիկոլ Փաշինյանին՝ Հայաստանի Հանրապետության վարչապետի պաշտոնում վերանշանակվելու կապակցությամբ: «Ցուցաբերված բարձր վստահությունը վկայում է երկրի կայուն զարգացումն ապահովելու և քաղաքացիների բարեկեցությունը բարելավելու ուղղությամբ Ձեր կողմից ձեռնարկվող շարունակական ջանքերին աջակցելու մասին»,- ասվում է շնորհավորական նամակում:
Սագինտաևը վստահություն է հայտնել, որ ՀՀ կառավարության և Եվրասիական տնտեսական հանձնաժողովի միջև շարունակական կառուցողական համագործակցությունը կնպաստի փոխշահավետ համագործակցության արդյունավետ իրականացմանը:
Աղբյուր՝ www.aravot.am
