ՀՀ սննդամթերքի անվտանգության տեսչական մարմինը որոշել է կասեցնել «Ծովազարդ» գազավորված ըմպելիքների արտադրամասի գործունեությունը, որը գտնվում է Գեղարքունիքի մարզի Գավառ համայնքում: Կասեցման պատճառը վերահսկողական միջոցառումների ընթացքում հայտնաբերված խախտումներն են:
- Արտադրական շինությունների պատերը պատված չեն եղել անջրանցիկ, լվացվող, ախտահանվող նյութերով:
- Առաստաղը ապահով չի եղել, ինչը չի կանխարգելել կեղտի կուտակումը, բորբոսի առաջացումը:
- Դռները պատրաստված չեն եղել չներծծող նյութերից:
- Ներքին պատուհանները չեն ունեցել միջատապաշտպան ցանցեր:
- Սանհանգույցի դուռը բացվել է արտադրամասի մեջ:
- Սննդամթերքի հետ անմիջական շփման մեջ գտնվող սարքավորումները չեն պահվել նորոգ ու բարվոք վիճակում:
- Արտադրական տարածքում անձնակազմի համար հանդերձարան չի եղել:
Հայտնաբերված խախտումները վերացնելու համար սահմանվել է վերջնաժամկետ:
Աղբյուր՝ www.aravot.am
