Bloomberg-ի փոխանցմամբ՝ Չինաստանում վերջերս արտադրողների գների ինդեքսի (PPI) աճը դանդաղել է մինչև 3.5%՝ հունիսի 4.1%-ից, իսկ սպառողական գնաճը (CPI) նվազել է 1%-ից մինչև 0.5%։ Սա վկայում է, որ նավթի թանկացման հետևանքով առաջացած գնային ճնշումը աստիճանաբար թուլանում է:
Չնայած Չինաստանը դուրս է եկել երկարատև դեֆլյացիայից, ներքին թույլ սպառողական պահանջարկը շարունակում է սահմանափակել ընկերությունների հնարավորությունը՝ աճող արտադրական ծախսերը փոխանցելու վերջնական սպառողներին։ Արդյունքում հագուստի արտադրության նման ոլորտներում շահույթը նվազում է, մինչդեռ էներգետիկ ընկերությունները գրանցում են եկամուտների աճ:
Bloomberg-ը նշում է, որ հումքային ապրանքների, այդ թվում՝ նավթի, միջին գները վերջին ամիսներին նվազել են տարվա սկզբի առավելագույն մակարդակների համեմատ, ինչն օգնում է մեղմել գնաճային ճնշումները:
Միաժամանակ տնտեսագետները շարունակում են զգուշացնել, որ Չինաստանում պահպանվող թույլ գնաճը կարող է երկարաժամկետ հեռանկարում բացասաբար ազդել տնտեսական աճի վրա՝ սահմանափակելով սպառումը, ներդրումներն ու զբաղվածությունը:
Հուլիսին նվազել են նաև զբոսաշրջային ծառայությունների, հյուրանոցների և ավիատոմսերի գները, քանի որ ամառային սեզոնին ներքին պահանջարկը սպասվածից թույլ է եղել:
Աղբյուր՝ b24.am
