Արարատի մարզում, Դալար գյուղում, անհատ ձեռնարկատեր Հայկ Թադևոսյանին պատկանող չրերի արտադրամասի գործունեությունը կասեցվել սննդամթերքի անվտանգության տեսչական մարմնի ղեկավարի որոշմամբ:
Վերահսկողության արդյունքում արձանագրվել են սանիտարահիգիենիկ նորմերի խախտումներ, ինչպիսիք են՝ արտադրական շինությունների նախագծման, կառուցվածքի, դասավորվածության և չափսերի խնդիրները, որոնք չեն բացառել սննդային հումքի և սննդամթերքի աղտոտված և մաքուր գույքի խաչաձևվող հոսքերը:
- Չի ապահովվել տեխնիկական սարքավորումների անհրաժեշտ սպասարկում;
- Արտադրական շինությունների մաքրման, լվացման, ախտահանման և միջատազերծման գործընթացները չեն իրականացվել;
- Հատակի սալիկները կոտրատված են, ինչը դժվարացնում է մաքրման գործընթացը;
- Առաստաղները ապահով չեն եղել, ինչը նպաստում է կեղտի կուտակմանը;
- Դռները պատրաստված չեն եղել չներծծող նյութերից;
- Արտադրամասը չի ունեցել սանհանգույց և անձնակազմի համար հանդերձարան:
Տրվել են խախտումները վերացնելու պարտադիր հանձնարարականներ, սահմանվել է ժամկետ:
Աղբյուր՝ www.1in.am
