Ռոբերտ Ամստերդամը, միջազգային իրավապաշտպան, խոսել է մարդու հիմնարար իրավունքներից ամենակարևորի՝ անմեղության կանխավարկածի մասին: Նա նշել է, որ պետական ապարատը հաճախ փորձում է «արագ արդարադատության» տեսարան ապահովել հանրության համար, ինչը վտանգավոր միտում է:
«Այսօր Հայաստանում նկատվում է հենց այս վտանգավոր միտումը՝ հանրային ու քաղաքական գործիչների աղմկոտ ձերբակալություններ, նախաքննական մարմինների պատրաստած «մոնտաժված» տեսանյութեր ու դեռևս չապացուցված «փաստերի» հապճեպ հանրայնացում»,- ասել է Ամստերդամը:
Նա ընդգծել է, որ մարդու իրավունքների եվրոպական կոնվենցիայի 6-րդ հոդվածի 2-րդ կետը սահմանում է, որ հանցագործություն կատարելու մեջ մեղադրվող յուրաքանչյուր ոք համարվում է անմեղ, մինչև նրա մեղավորությունը ապացուցվի օրենքով:
«Անմեղության կանխավարկածը թղթի վրա գրված չոր օրենք չէ, այն քաղաքացու միակ պաշտպանությունն է պետական չարաշահումներից»,- եզրափակել է Ամստերդամը:
Աղբյուր՝ www.aravot.am
