ԱՄՆ-ն նախազգուշացրել է ճապոնական իենի պատճառով գլոբալ ճգնաժամի ռիսկի մասին

ԱՄՆ ֆինանսների նախարար Սքոթ Բեսենթը չի բացառել, որ ճապոնական իենի անվերահսկելի թուլացումը կարող է հանգեցնել համաշխարհային շուկաների ապակայունացման։ Հուլիսին ճապոնական արժույթի փոխարժեքը նվազել էր մինչև 1 դոլարի դիմաց մոտ 164 իեն, ինչը վերջին 40 տարվա նվազագույն ցուցանիշն էր։

Ավելի վաղ ԱՄՆ-ն ու Ճապոնիան իրականացրել էին համատեղ արժութային ինտերվենցիա, ինչը հազվադեպ կիրառվող միջոց է։ Դրանից հետո իենի փոխարժեքը ժամանակավորապես ամրապնդվել էր՝ հասնելով 1 դոլարի դիմաց մոտ 155 իենի, սակայն հետագայում ճապոնական արժույթը կրկին սկսել էր արժեզրկվել՝ մոտենալով 160 իենի նշագծին։

ԱՄՆ ֆինանսների նախարարությունում մտահոգված են, որ փոխարժեքի հետագա անկումը կարող է ներդրողների շրջանում լայնածավալ դիրքերի փակում առաջացնել։ Դրա հետևանքները կարող են տարածվել Ճապոնիայի սահմաններից դուրս՝ այդ թվում հանգեցնելով ամերիկյան ընկերությունների և քաղաքացիների համար փոխառությունների արժեքի հնարավոր աճի։

Աղբյուր՝ b24.am