ԱՄՆ կառավարությունը այսօր հանդիպում կանցկացնի նավթավերամշակող ընկերությունների և վառելիքի դիստրիբյուտորների ներկայացուցիչների հետ՝ վերամշակման հզորությունների ընդլայնումն ու բենզինի գների նվազեցումը քննարկելու նպատակով, հաղորդում է CNBC-ն:
Իշխանությունները նախատեսում են մշակել կարճաժամկետ կոնկրետ միջոցներ՝ վերամշակման ծավալներն ավելացնելու համար՝ ԱՄՆ-ի նավթավերամշակման գործարաններ Վենեսուելայից նավթի մատակարարումների աճի ֆոնին:
Նախորդիվ հայտարարվել էր Վենեսուելայի հետ ձեռք բերված համաձայնության մասին, որի համաձայն ԱՄՆ-ն ստացել է ավելի քան 65 մլրդ բարել ծավալով նավթային պաշարների վերահսկիչ փաթեթը: Այս քայլը նպատակ ունի ավելացնել շուկայում առաջարկը և նվազեցնել վառելիքի գները՝ հումքի մատակարարման համաշխարհային շղթաների խափանումների պայմաններում:
Առաջիկա հանդիպմանը, որին կմասնակցեն ներքին գործերի նախարար Դագ Բերգումը, էներգետիկայի նախարար Քրիս Ռայթը և ոլորտի ընկերությունների ղեկավարները, նախատեսվում է գնահատել, թե արդյոք ծախսերի նվազումն արտացոլվում է սպառողների համար վերջնական գների մեջ:
Վարչակազմի ներկայացուցիչ Թեյլոր Ռոջերսը նշել է, որ իշխանությունները կենտրոնացած են այն բանի վրա, որ էներգետիկ քաղաքականությունը «առավելագույն խնայողություն ապահովի բենզալցակայաններից օգտվող սպառողների համար»:
Աղբյուր՝ b24.am
