Ադրբեջանի նախագահ Իլհամ Ալիևը հայտարարել է, որ Հայաստանի էներգետիկայի հիմնական աղբյուրը ատոմակայանն է, սակայն այն հնացած է և վտանգ է ներկայացնում տարածաշրջանի համար: Ալիևի խոսքով, ատոմակայանի շահագործման ժամկետը հնարավոր չէ անվերջ երկարաձգել, և վաղ թե ուշ այն պետք է փակվի:
Նա նշել է, որ Հայաստանի կառավարությունը պետք է մտածի էլեկտրամատակարարման լրացուցիչ աղբյուրների մասին, քանի որ ատոմակայանի փակումը կարող է հանգեցնել լուրջ էներգետիկ ճգնաժամի:
Ալիևը նաև տեղեկացրել է, որ ադրբեջանցի մասնագետներն արդեն ուսումնասիրություն են իրականացրել Հայաստանի տարածքում և որոշել են այն վայրերը, որտեղ կարող են տեղադրվել էլեկտրահաղորդման գծերի հենասյուները:
Նրա խոսքով, Բաքուն ակնկալում է, որ հայկական կողմը չի ձգձգի այս հարցի լուծումը, քանի որ էլեկտրաէներգիայի լրացուցիչ աղբյուրը նախևառաջ կարող է անհրաժեշտ լինել հենց Հայաստանին:
Աղբյուր՝ www.1in.am
