Ակբա բանկը Հայաստանի ֆոնդային բորսայում կկատարի Վերակառուցման և զարգացման եվրոպական բանկի դրամային պարտատոմսերի շուկա ստեղծողի գործառույթը։ Դա նշանակում է, որ բանկը երկրորդային շուկայում պետք է ապահովի այս արժեթղթերի առք ու վաճառքի շարունակական հայտեր և նպաստի դրանց իրացվելիությանը։
Պարտատոմսերն արդեն ցուցակվել են և ընդգրկվել Հայաստանի ֆոնդային բորսայի պարտատոմսերի հիմնական՝ Abond ցուցակում։
Թողարկման պայմանները
- Թողարկման ընդհանուր ծավալը՝ 5,000,000,000 ՀՀ դրամ
- Մեկ պարտատոմսի անվանական արժեքը՝ 10,000,000 ՀՀ դրամ
- Քանակը՝ 500 հատ
- Շրջանառության ժամկետը՝ 36 ամիս
- Արժեկտրոնային եկամտաբերությունը՝ լողացող
Շուկա ստեղծողի կարգավիճակով Ակբա բանկը բորսայում կապահովի կանոնավոր գնման և վաճառքի հայտերի առկայություն։ Արդյունքում ներդրողների համար պետք է ձևավորվեն ավելի բարձր իրացվելիություն և ավելի թափանցիկ գնագոյացում։
Ակբա բանկը վերահսկվում է ՀՀ ԿԲ կողմից։
Աղբյուր՝ b24.am
