Acba Bank-ը Հայաստանում կկատարի Եվրոպական բանկի վերակառուցման և զարգացման (ԵԲՌԲ) դրամային պարտատոմսերի շուկա ձևավորողի գործառույթը՝ Ֆոնդային բորսա Հայաստանի (AMX) հարթակում ապահովելով այդ արժեթղթերի երկրորդային շուկայի իրացվելիությունը։
Թողարկված պարտատոմսերը անցել են ցուցակման ընթացակարգը և ներառվել են AMX-ի պարտատոմսերի հիմնական ցուցակում՝ Abond-ում։
Թողարկման հիմնական պայմանները հետևյալն են՝ ընդհանուր ծավալը կազմում է 5 000 000 000 ՀՀ դրամ, մեկ պարտատոմսի անվանական արժեքը՝ 10 000 000 ՀՀ դրամ, թողարկված է 500 պարտատոմս, իսկ շրջանառության ժամկետը՝ 36 ամիս։ Կուպոնային եկամտաբերությունը լողացող է։
Որպես շուկա ձևավորող՝ Acba Bank-ը բորսայում կապահովի այս պարտատոմսերի գնման և վաճառքի մշտական հայտերի առկայություն։ Դա, ըստ հրապարակված տեղեկության, պետք է նպաստի ներդրողների համար ավելի բարձր իրացվելիության և ավելի թափանցիկ գնագոյացման ձևավորմանը։
Աղբյուր՝ finport.am
