Կառավարության որոշմամբ առաջարկվում է 2026 թվականի համար էլեկտրաշարժիչով տրանսպորտային միջոցների ներմուծման սակագնային քվոտայի շրջանակում լրացուցիչ 5000 տրանսպորտային միջոց ներմուծել՝ մաքսատուրքի 0% դրույքաչափով:
Մանրամասներ
- Մինչեւ 4500 տրանսպորտային միջոց կարող են ներմուծել ֆիզիկական անձինք, անհատ ձեռնարկատերերը եւ իրավաբանական անձինք, որոնք անմիջապես ավտոարտադրողի հետ կնքված դիլերական-դիստրիբյուտորական պայմանագիր չունեն:
- Մինչեւ 500 տրանսպորտային միջոց կարող են ներմուծել անմիջապես ավտոարտադրողի հետ կնքված դիլերական-դիստրիբյուտորական պայմանագիր ունեցող ընկերությունները՝ համապատասխան փաստաթղթերի առկայության դեպքում:
- Անհրաժեշտ է ներկայացնել ավտոարտադրողի կողմից տրամադրված գործարանային երաշխիքային եւ հետերաշխիքային տեխնիկական սպասարկում:
- Պետք է հիմնավորվի փակ տեխնիկական սպասարկման կայանի առկայությունը՝ սեփականության իրավունքի վկայականով կամ վարձակալության պայմանագրով:
Աղբյուր՝ banks.am
