Qantas Airways-ը մտադիր է հաջորդ տարվա օգոստոսից սկսել իր առաջին առանց կանգառի Նյու Յորք-Սիդնեյ չվերթի տոմսերի վաճառքը։ Չվերթների մեկնարկը նախատեսված է 2028 թվականին, երբ ավիաընկերությունը կավարտի այս երկարատև երթուղու գործարկման նախապատրաստական աշխատանքները։
Թռիչքը կտևի մոտ 18 ժամ, ինչի շնորհիվ այն կմոտենա աշխարհի ամենաերկար չվերթների ցանկի առաջին հորիզոնականներին։ Այժմ այդ կարգավիճակը պատկանում է Singapore Airlines-ի Նյու Յորքի John F. Kennedy International Airport-ից Սինգապուր իրականացվող առանց կանգառի ծառայությանը, որի տևողությունը կարող է գերազանցել 19 ժամը։
Միևնույն ժամանակ, Qantas-ը սպասում է, որ հաջորդ աշնանը կդառնա նոր ռեկորդակիրը, երբ սկսի Լոնդոնի Heathrow և Սիդնեյ միջև մոտ 20-ժամյա առանց կանգառի չվերթները։ Թռիչքի տևողությունը, ինչպես նշվում է, կարող է փոխվել՝ կախված ուղղությունից և տարվա եղանակից։
Qantas-ի գլխավոր տնօրեն Vanessa Hudson-ը CNBC-ին ասել է, որ նոր երթուղիների ծրագրերը ձևավորվել են մեկ այլ գերհեռահար չվերթի՝ Ավստրալիայի Perth-ից Լոնդոն իրականացվող ծառայության, բարձր պահանջարկի ֆոնին։ Այդ չվերթը տևում է ավելի քան 17 ժամ և իրականացվում է Boeing 787 Dreamliner ինքնաթիռով։
Hudson-ի խոսքով՝ ընկերությունը տեսել է, որ կա հաճախորդների հստակ խումբ, որը պատրաստ է հավելյալ վճարել՝ միջանկյալ կանգառներից խուսափելու համար։ Նրա գնահատմամբ՝ շատ ուղևորներ նախընտրում են չկապակցվել այլ օդանավակայաններով և ընտրում են ուղիղ երկարատև չվերթներ։
Նոր երթուղու համար Qantas-ը կօգտագործի Airbus A350-1000 ULR ինքնաթիռներ։ ULR-ը նշանակում է ultra-long range, և այս օդանավերը համալրված են լրացուցիչ վառելիքային բաքով, որը նախատեսված է նման «մարաթոնյան» թռիչքների համար։ Սրահում կլինեն first class, business class, premium economy և standard economy դասեր։
Համեմատության համար՝ Singapore Airlines-ը Նյու Յորք-Սինգապուր երթուղում առաջարկում է միայն business class և premium economy տեղեր։
Qantas-ի ultra-long-haul ծրագրի շրջանակում, որը ընկերությունն անվանում է Project Sunrise, ավիափոխադրողը տարիներ շարունակ աշխատել է քնի գիտնականների հետ՝ jet lag-ի ազդեցությունը ուսումնասիրելու համար։ Vanessa Hudson-ի խոսքով՝ ընկերությունը դիտարկել է տարբեր լուծումներ, այդ թվում՝ լուսավորության հատուկ ռեժիմներ, որպեսզի ուղևորներն ավելի հեշտ հարմարվեն ժամային գոտու փոփոխությանը։
Աղբյուր՝ www.cnbc.com
