ՄԱԿ-ի գլխավոր վեհաժողովի 81-րդ նստաշրջանի շրջանակում կայացել է Հայաստանի վարչապետ Նիկոլ Փաշինյանի և Հունաստանի վարչապետ Կիրիակոս Միցոտակիսի հանդիպումը։
Հայաստանի վարչապետի աշխատակազմի փոխանցմամբ՝ զրուցակիցները քննարկել են Հայաստան-Հունաստան բարեկամական հարաբերությունների հետևողական զարգացումը և հայտնել պատրաստակամություն՝ սերտ համագործակցությամբ երկկողմ կապերը նոր մակարդակի բարձրացնելու համար։
Հանդիպման ընթացքում ընդգծվել է նաև բարձրաստիճան փոխայցելությունների կազմակերպման կարևորությունը։ Կողմերն անդրադարձել են տնտեսական կապերի ընդլայնման հնարավորություններին, ինչպես նաև երկկողմ օրակարգի այլ հարցերի։
Փաշինյանն ու Միցոտակիսը մտքեր են փոխանակել նաև ՀՀ-ԵՄ հարաբերությունների և տարածաշրջանային համագործակցությանը վերաբերող ծրագրերի շուրջ։
Աղբյուր՝ www.aravot.am
