ԱՄՆ նախագահ Դոնալդ Թրամփի հատուկ բանագնացներ Սթիվեն Ուիթքոֆն ու Ջարեդ Քուշները Կատարում տարածաշրջանային առաջնորդների հետ դրական բանակցություններ են անցկացրել Իրանի հետ գործարքի շուրջ։ Այդ մասին հաղորդել է Bloomberg գործակալությունը՝ հղում անելով ամերիկյան վարչակազմի բարձրաստիճան պաշտոնյային։
«Ամերիկացի բանակցողներ Ջարեդ Քուշներն ու Սթիվեն Ուիթքոֆը Կատարում տարածաշրջանային առաջնորդների հետ դրական քննարկումներ են անցկացրել, իսկ Իրանի հետ տեխնիկական բանակցություններն առաջ են ընթանում, քանի որ երկրները ձգտում են թուլացնել լարվածությունը վերջին հարձակումներից հետո, որոնք վտանգի տակ են դրել առանց այդ էլ փխրուն հրադադարը», — ասվում է հրապարակման մեջ։
Ինչպես նշել է աղբյուրը, ավելի ցածր մակարդակի ներկայացուցիչների կողմից անցկացվող առանձին տեխնիկական բանակցություններում առաջընթացը շարունակվում է։
Աղբյուր՝ 168.am
