Հայաստանի վարչապետ Նիկոլ Փաշինյանը հունիսի 30-ին ընդունել է Վրաստանի ներքին գործերի նախարար Սուլխան Թամազաշվիլուն: Փաշինյանը, ողջունելով Թամազաշվիլիի այցը Երևան, ընդգծել է Հայաստանի և Վրաստանի իրավապահ մարմինների համագործակցության շարունակական զարգացման կարևորությունը:
Նրա խոսքերով, երկու երկրների միջև համագործակցության մեծ պոտենցիալ կա, որի իրագործումը մեծապես նպաստում են փոխադարձ այցերն ու բարձր մակարդակի ակտիվ շփումները: Փաշինյանը նշել է, որ երկու երկրների ներքին գործերի նախարարությունների համատեղ ծրագրերը, մասնավորապես, հանցավորության դեմ պայքարը և թմրամիջոցների ապօրինի շրջանառությունը, պահանջում են շարունակական բարելավում:
Թամազաշվիլին, իր հերթին, հայտնել է, որ արդյունավետ քննարկումներ է ունեցել իր հայկական գործընկերների հետ, այդ թվում՝ համատեղ ծրագրերի իրականացման հարցերով: Նա համոզմունք է հայտնել, որ ներկայիս այցը նոր խթան կտա երկկողմ հարաբերությունների ամրապնդմանը՝ նպատակ ունենալով ավելի արդյունավետ դիմակայել ներկայիս մարտահրավերներին:
Աղբյուր՝ arminfo.info
