Սննդամթերքի անվտանգության տեսչական մարմնի կողմից «Մասիսի արագիլ» սահմանափակ պատասխանատվությամբ ընկերությանը պատկանող հանրային սննդի օբյեկտում (Արարատի մարզ, ք․ Մասիս, Շիրազի փողոց, N 11) իրականացված ստուգման ընթացքում պարզվել է, որ խախտվել են Հայաստանի Հանրապետության կառավարության որոշման պահանջները:
- Սննդի կառույցը նախագծված, կառուցված, տեղակայված չի եղել այնպես, որպեսզի բացառվի օդից փոխանցվող աղտոտումը:
- Անհրաժեշտ հիգիենիկ պայմաններ չեն ապահովվել:
- Կառույցը չի ունեցել լվացող և ախտահանող միջոցների պահման տարածքներ:
- Հատակը, պատերը չեն ունեցել հարթ, հեշտությամբ մաքրվող մակերևույթ:
- Պատուհանները չեն ունեցել միջատապաշտպան ցանցեր:
- Անձնակազմի համար հանդերձարան չի ապահովվել:
Տեսչական մարմնի ղեկավարի որոշմամբ՝ կասեցվել է հանրային սննդի օբյեկտի արտադրական գործունեությունը մինչև հայտնաբերված խախտումները վերացնելը:
Աղբյուր՝ www.1in.am
