ԵՐԵՎԱՆ, 1 июля. /АРКА/. Ինչպես ժամանակակից ֆինտեխ լուծումները փոխում են սպառողական վարքագիծը, ընդլայնում բիզնեսի ֆինանսական հնարավորությունները և նպաստում տնտեսության ակտիվացմանը: Այս թեման «Երբ ֆինանսական տեխնոլոգիաները դառնում են վաճառքների շարժիչ» Mantashyants Global Business Forum 2026-ում ներկայացրեց IDBank-ի կոմերցիոն գործընկերների վարչության ղեկավար Գրիգոր Յոլյանը: Այս մասին հաղորդում է բանկի մամուլի ծառայությունը:
Յոլյանը նշեց, որ հաջողությունը վաճառքներում կախված է ոչ միայն ապրանքի կամ ծառայության որակից, այլև դրանց հասանելիությունից, իսկ տեխնոլոգիաները ամենաուժեղ գործիքն են այդ հասանելիությունը ապահովելու համար:
Նա ներկայացրեց Idram&IDBank էկոհամակարգը, նշելով, որ QR վճարումների ներդրման շնորհիվ միավորվել են ավելի քան 1 միլիոն օգտվողներ և մոտ 30 հազար վաճառքի կետեր, կապելով սպառողներին և բիզնեսը:
Նա նաև ներկայացրեց Rocket Line ծառայությունը, որը հաջող օրինակ է «Buy now, pay later» մոդելի համար հայկական շուկայում: Այսօր ծառայության շրջանակներում օրական ձևակերպվում է մոտ 12,500 պայմանագիր, իսկ այն օգտագործում է շուրջ 7,000 եզակի հաճախորդ:
Rocket Line-ի հաջողությունից հետո նման մոտեցումը կիրառվել է նաև բիզնեսի համար՝ ստեղծելով IDDistributor հարթակը, որը թույլ է տալիս փոքր և միջին ձեռնարկություններին վճարումներ կատարել մատակարարման պահին՝ ինչպես իրենց միջոցներով, այնպես էլ Rocket Distributor վարկային սահմանաչափով, ապահովելով շրջանառու միջոցների հասանելիություն և խթանելով վաճառքները:
IDDistributor-ը նաև նպաստում է կանխիկ շրջանառության կրճատմանը, բիզնես գործընթացների թվայնացմանը և ֆինանսական ներառականության բարձրացմանը, հատկապես մարզերում:
«Ֆինանսական տեխնոլոգիաները ստեղծում են վաճառքներ այնտեղ, որտեղ նախկինում սահմանափակումներ էին: Նրանք միավորում են մարդկանց, բիզնեսը և ֆինանսական հնարավորությունները մեկ հարթակում: Երբ այս կապը ստեղծվում է, աճում են ոչ միայն վճարումների ծավալները, այլև ընդհանուր տնտեսական ակտիվությունը», - նշեց Գրիգոր Յոլյանը:
Idram և IDBank-ն շարունակելու են իրականացնել իրենց ռազմավարությունը, որը նպատակ ունի զարգացնել առանց կանխիկ տնտեսությունը, թվայնացնել բիզնես գործընթացները և բարձրացնել ֆինանսական ներառականությունը Հայաստանում:
Կազմակերպությունները կարգավորվում են ՀՀ ԿԲ կողմից:
Աղբյուր՝ armbanks.am
