Hyundai-ը հրապարակել է նոր Bayon քրոսովերի էսքիզները՝ առաջին պատկերացումը տալով, թե ինչ տեսք կարող է ունենալ առաջիկա մոդելը։ Պատկերներից երևում է անկյունային թափք՝ արտահայտված գծերով, T-աձև առջևի օպտիկայով և նախորդ սերնդի համեմատ ավելի լայն տեսք ունեցող առջևի թևերով։ Արտաքինից Bayon-ը մոտ է Hyundai Tucson-ի նորացված ոճին։
Սրահի էսքիզները ցույց են տալիս ֆուտուրիստական ձևավորում։ Միևնույն ժամանակ, սերիական տարբերակում ընկերությունը, հավանաբար, կընտրի ավելի գործնական և ժամանակակից լուծումներ։ Հրապարակման համաձայն՝ մեքենան կարող է պահպանել երկար էկրանը, որը միավորում է թվային գործիքակազմն ու մուլտիմեդիայի սենսորային էկրանը, ինչպես նաև թեքված կենտրոնական կոնսոլը։
Hyundai-ը նշել է, որ ապագա Bayon-ի մշակման մեջ շեշտը դրվել է տեխնոլոգիաների և ինտուիտիվ կառավարման վրա։ Սա կարող է նշանակել վարորդի աջակցության նոր համակարգերի և արհեստական բանականությամբ աշխատող էլեկտրոնիկայի ներդրում։ Միևնույն ժամանակ, էսքիզներում չի երևում Pleos մուլտիմեդիա համալիրի մեծ էկրանը, որը ընկերությունը վերջին շրջանում ակտիվորեն ներդնում է իր մյուս ավտոմեքենաներում։
Նոր Bayon-ի տեխնիկական տվյալները Hyundai-ը դեռ չի բացահայտել։ Ըստ հրապարակման, շարժիչային շարքի հիմքը, ամենայն հավանականությամբ, կկազմեն բենզինային շարժիչները, քանի որ քրոսովերը պետք է պահպանի իր բյուջետային կարգավիճակը։
Աղբյուր՝ b24.am
