Հորմուզի նեղուցով բեռնափոխադրումները նվազել են, մինչդեռ Սաուդյան նավթի հոսքերը աճել են

Հորմուզի նեղուցով անցնող ապրանքային նավերի հոսքը շարունակել է նվազել։ Reuters-ի փոխանցմամբ՝ անցած հանգստյան օրերին նեղուցով անցել է ընդհանուր առմամբ ընդամենը 12 ապրանքային նավ, մինչդեռ մեկ շաբաթ առաջ այդ ցուցանիշը կազմել էր 35 տանկեր և այլ բեռնատար նավ։

Գործակալությունը նշում է, որ այս տվյալները ներառում են միայն այն տանկերները, որոնք շարժվել են միացված տրանսպոնդերներով։ Շատ նավեր, սակայն, անջատում են դրանք՝ հայտնաբերումից խուսափելու համար, և ոչ բոլոր նավային մոնիթորինգի հարթակներն են նման նավերը ներառում հաշվարկներում։

Reuters-ի ավելի վաղ հրապարակման համաձայն՝ Kpler-ի տվյալները ցույց էին տվել, որ նախորդ հինգշաբթի Հորմուզով անցել է ընդամենը 4 տանկեր՝ 10-օրյա 16 նավի շարժվող միջինի դիմաց։ Նույն տվյալների համաձայն՝ սեպտեմբերի 13-ով ավարտված շաբաթվա ընթացքում նեղուցից դուրս է եկել ընդամենը 13 շատ խոշոր նավթատար։ Սա վկայում է, որ Իրանի կողմից ջրային ուղու վրա ճնշումն ուժեղացել է։

Միևնույն ժամանակ, JP Morgan-ը գնահատում է, որ տանկերային երթևեկությունը որոշ ուղղություններով բարելավվում է, հատկապես՝ Սաուդյան Արաբիայի դեպքում։ Ներդրումային բանկը ուրբաթ հրապարակված գրառման մեջ նշել է, որ «Մերձավոր Արևելքի նավթային հոսքերը մնում են զարմանալիորեն ուժեղ՝ չնայած Սաուդյան Արաբիայի East-West pipeline-ի աշխատանքի խաթարմանը», հավելելով, որ «ամենանշանակալի շրջադարձը գրանցվել է Սաուդյան Արաբիայում»։

JP Morgan-ի հաշվարկով՝ վերջին վեց օրերին Սաուդյան Արաբիան Հորմուզով օրական արտահանել է 2.9 միլիոն բարել հում նավթ։ Այդ մատակարարումները կազմակերպվում են այնպես, որ նավթը խողովակաշարով հասցվում է Պարսից ծոցի Ras Tanurah նավահանգիստ, այնտեղից փոքր նավերով տեղափոխվում է Օմանի ծոց, իսկ հետո բեռնափոխադրվում ավելի խոշոր տանկերների վրա։

Սակայն, եթե Պարսից ծոցի ուղղությամբ հոսքերն աճում են, ապա Կարմիր ծովի ափին գտնվող Yanbu նավահանգստից Սաուդյան նավթի արտահանումը նորից բարդացել է։ Պատճառը Եմենի Houthi խմբավորման վերջին հարվածներն են Սաուդյան թիրախներին։ Այս հանգստյան օրերին մի շարք հարձակումներ են գրանցվել, այդ թվում՝ Ռիյադի թիրախների և Yanbu նավահանգստի դեմ։ Հենց Yanbu-ն էր դարձել Սաուդյան Արաբիայի հիմնական նավթային ելքը Հորմուզում սառեցումից հետո։

Աղբյուր՝ oilprice.com