ՀՀ ազգային անվտանգության ծառայությունը (ԱԱԾ) հաստատել է, որ ռուս սահմանապահների գործողությունները օրինական են:
Այս մասին տեղեկացրել է ԱԱԾ մամուլի ծառայությունը, արձագանքելով սոցիալական ցանցերում տարածված տեղեկություններին, որ ռուս սահմանապահները ապօրինի գործողություններ են կատարել՝ արգելելով մի խումբ քաղաքացիների մուտքը Սյունիքի մարզի Նռնաձոր գյուղ:
ԱԱԾ-ից նշում են, որ ՀՀ կառավարության 2011 թվականի մայիսի 12-ի № 735-Ն որոշման համաձայն՝ անձանց և տրանսպորտային միջոցների մուտքը սահմանային շերտ իրականացվում է անհատական կամ խմբային անցագրերով՝ անձը հաստատող փաստաթղթի առկայության դեպքում:
Նույն որոշմամբ սահմանված է նաև սահմանային շերտ մուտքի թույլտվության և անցագրեր ստանալու կարգը:
Աղբյուր՝ www.aravot.am
