Ռուսաստանի փոխարտգործնախարար Միխայիլ Գալուզինը հայտարարել է, որ Հայաստանում հնչող հայտարարությունները, որոնք վերաբերում են հայկական գյուղատնտեսական արտադրանքի որոշակի կատեգորիաների ռուսական շուկա մատակարարման դեմ ենթադրյալ պատժամիջոցներին, մանիպուլյատիվ են:
Գալուզինը նշել է, որ մի շարք հայ պաշտոնյաներ և լրատվամիջոցներ սահմանափակումները ներկայացնում են որպես Մոսկվայի կողմից սահմանված «պատժամիջոցներ»: «Սրանք մանիպուլյացիաներ են, որոնք իրականության հետ որևէ կապ չունեն», - ասել է նա:
Նա ընդգծել է, որ ռուսական կողմը միշտ հատուկ ուշադրություն է դարձրել բուսասանիտարական վերահսկողությանը, և դրա պահանջները լավ հայտնի են՝ հայ արտադրողների կողմից տեղական հումքի օգտագործումը, թունաքիմիկատների դեմ պայքարը և մատակարարումների հետագծելիությունը:
«Ավելին, Հայաստանի ղեկավարությունն ինքն է ընդունել, որ որոշակի ապրանքների հետ կապված կան որակի հետ կապված խնդիրներ», - ընդգծել է Գալուզինը:
Աղբյուր՝ panorama.am
