Ֆրանսիայում դիզելային վառելիքի կտրուկ թանկացումը վարորդների մի մասին մղել է ոչ ստանդարտ լուծումների։ BFMTV-ի հաղորդմամբ՝ որոշ ավտոմեքենաների սեփականատերեր սկսել են բաքերը լցնել հլածուկի յուղով՝ փորձելով նվազեցնել վառելիքի ծախսերը։
Այդ ընտրության հիմնական պատճառը գների տարբերությունն է։ Հլածուկի յուղի մեկ լիտրն արժե 1.53 եվրո, ինչը գրեթե մեկ եվրոյով պակաս է սովորական դիզելային վառելիքի գնից։
Թեմայի նկատմամբ հետաքրքրությունն աճում է նաև սոցիալական ցանցերում։ Տեսանյութերը, որտեղ երիտասարդները մեքենաները լիցքավորում են բուսական յուղով, արդեն հավաքել են ավելի քան 1 մլն դիտում։
Սակայն նման տարբերակին պատրաստ չեն բոլոր վարորդները։ Շատերը մտավախություն ունեն, որ դա կարող է լուրջ վնաս հասցնել շարժիչին, հատկապես վառելիքի մատակարարման համակարգին։ Բացի այդ, Ֆրանսիայում սահմանված պահանջներին չհամապատասխանող վառելիք օգտագործելու համար նախատեսված է 200 եվրո տուգանք։
Սեպտեմբերի 20-ին Ֆրանսիայում դիզելային վառելիքի գինը պատմական առավելագույնի էր հասել՝ 2.41 եվրո մեկ լիտրի դիմաց։ LCI հեռուստաալիքի եթերում էներգետիկայի հարցերով պատվիրակ նախարար և կառավարության պաշտոնական ներկայացուցիչ Մոդ Բրեժոնը հայտարարել էր, որ կառավարությունը պատրաստում է լրացուցիչ ֆինանսական աջակցության ծրագիր այն ֆրանսիացիների համար, որոնք ավտոմեքենան օգտագործում են աշխատանքի նպատակով։
Աղբյուր՝ b24.am
