Երևանում սեպտեմբերի 21-23-ը կանցկացվի «Ճամփորդել հանուն առողջության, մնալ հանուն ապաքինման․ երբ բուժառուն դառնում է հյուր» խորագրով բժշկական զբոսաշրջության գլոբալ համաժողովը։
Միջոցառումը կազմակերպում է ՀՀ ԷՆ Զբոսաշրջության կոմիտեն՝ ՄԱԿ-ի Զբոսաշրջության համաշխարհային կազմակերպության հետ համագործակցությամբ։
Կազմակերպիչների հաղորդմամբ՝ համաժողովի նպատակը մեկ հարթակում համախմբելն է առողջապահության, զբոսաշրջության, հյուրընկալության և նորարարությունների ոլորտների միջազգային և տեղական առաջատար ներկայացուցիչներին։
Նախատեսվում է, որ այդ ձևաչափը կխթանի մասնագիտական բարձր մակարդակի երկխոսությունն ու համագործակցությունը բժշկական զբոսաշրջության ուղղությամբ։
Լրացուցիչ տեղեկությունները հասանելի են կազմակերպիչների հրապարակած հղմամբ։
Աղբյուր՝ www.1in.am
