Կրիպտոազարտային Duelbits հարթակը հինգշաբթի անջատել է կայքը այն բանից հետո, երբ հարձակվողները հանել են մոտ $7 մլն նրա hot wallet-ներից։ Ընկերության համահիմնադիր Joe-ը X-ում հաստատել է միջադեպը՝ նշելով, որ օգտատերերի միջոցները անվտանգ են։
Նրա խոսքով՝ հարթակը կմնա offline, մինչև ավարտվի քննությունը և վերալիցքավորվեն hot wallet-ները։ Duelbits-ը նաև առանձին հայտարարությամբ նշել է, որ ուսումնասիրում է «անվտանգության միջադեպը» և կայքը կանխարգելիչ նպատակով ժամանակավորապես անջատել է։
Բլոկչեյն անվտանգության Scam Sniffer ընկերությունն առաջիններից էր, որ բարձրաձայնեց դեպքի մասին։ Ընկերության տվյալներով՝ Duelbits-ի hot wallet-ներից Ethereum, BNB Chain և Tron ցանցերում միջոցներ են ուղարկվել նորաստեղծ հասցեների, ինչը վկայում է private key compromise-ի հավանականության մասին։ Ավելի ուշ Scam Sniffer-ը հավելել է, որ ընկերության bitcoin hot wallet-ից նույնպես դուրս է բերվել 8.1 BTC։
2023 թվականին նույն մեթոդով էր թիրախավորվել նաև Stake-ը՝ ծավալով խոշորագույն կրիպտոկազինոն, երբ հաքերները գողացել էին $40 մլն։
Etherscan-ի տվյալներով՝ Duelbits-ի Ethereum hot wallet-ից մի քանի րոպեում հարձակվողին է փոխանցվել 836 ETH, մոտ 593,000 USDT, 97,000 USDC, 31,500 DAI և 12.4 միլիարդ SHIB։ Հրապարակման պահին այդ դրամապանակում մնացել էր ether-ի տեսքով $25-ից պակաս միջոց։
Գողացված ակտիվների մեծ մասն այնուհետև փոխարկվել է ether-ի և միավորվել մեկ նոր հասցեում, որտեղ պահվում է մոտ 2,234 ETH՝ շուրջ $6 մլն արժողությամբ։ Հրապարակման պահին այդ միջոցները դեռ չէին տեղափոխվել այլ հասցե։
Մինչ միջադեպը DappRadar-ը Duelbits-ին դասել էր 43 հետևվող կրիպտոկազինոների շարքում 17-րդ տեղում՝ on-chain deposits-ի չափով։ DappRadar-ի վերահսկվող դրամապանակներում հաշվառված էր մոտ $5.7 մլն, սակայն պարզ չէր՝ այդ գնահատականը վերաբերում է արտահոսքից առաջվա, թե հետո եղած մնացորդներին։
Աղբյուր՝ coindesk.com
