Converse Bank-ը որպես գլխավոր հովանավոր կմասնակցի Bank Pekao FI Day & 52nd BACEE International Banking Conference-ին, որը կանցկացվի հոկտեմբերի 8–9-ին Վարշավայում։ Համաժողովը BACEE-ի՝ Banking Association for Central and Eastern Europe-ի առանցքային միջազգային միջոցառումներից է։
Միջոցառումը համատեղ կազմակերպում են BACEE-ն և Bank Pekao-ն։ Այն մեկ հարթակում կհավաքի միջազգային ֆինանսական կազմակերպությունների բարձրաստիճան ղեկավարների, տարածաշրջանի առաջատար բանկերի ներկայացուցիչների և ոլորտի փորձագետների։
Քննարկումների օրակարգում են բանկային ոլորտի հիմնական զարգացումները, միջազգային համագործակցության հնարավորությունները, trade finance-ը, ռիսկերի կառավարումը, թվայնացումը և ֆինանսական ոլորտի այլ կարևոր թեմաներ։
Converse Bank-ը համաժողովում կներկայացնեն Ֆինանսական հաստատությունների և միջազգային բանկային կապերի ղեկավար Նելլի Քոչարյանը և Ներդրողների հետ հարաբերությունների և ռազմավարության ղեկավար Լուսինե Բալանյանը։ Նրանք կմասնակցեն նաև թեմատիկ քննարկումներին։
Բանկի գլխավոր գործադիր տնօրեն, Վարչության նախագահ և BACEE-ի Տնօրենների խորհրդի անդամ Grant Akopian-ի խոսքով՝ միջազգային համագործակցության խորացումը Converse Bank-ի ռազմավարական առաջնահերթություններից է։ Նա նշել է, որ այդ համագործակցությունը բանկին օգնում է ամրապնդել միջազգային ներկայությունը և աջակցել հայկական բիզնեսին՝ այն կապելով նոր ֆինանսական և գործարար գործընկերների ու գլոբալ շուկաների հետ։
Converse Bank-ը շարունակում է ընդլայնել միջազգային գործընկերների և correspondent banking հարաբերությունների ցանցը։ Բանկը BACEE-ի անդամ է 2024 թվականից և ակտիվորեն ներգրավված է ասոցիացիայի գործունեության մեջ։
Աղբյուր՝ en.b24.am
