ԵՐԵՎԱՆ, 29 հունիսի. /ԱՌԿԱ/. Արդշինբանկը դարձել է հաղթող միջազգային Global Banking & Finance Review Awards 2026 մրցանակաբաշխությունում՝ ստանալով «Լավագույն մանրածախ բանկ», «Լավագույն private banking բանկ», «Լավագույն կորպորատիվ բանկ» և «Լավագույն բանկ կորպորատիվ սոցիալական պատասխանատվության ոլորտում» անվանակարգերում:
«Մենք անկեղծորեն շնորհավորում ենք Արդշինբանկին հաղթանակի առթիվ այս չորս անվանակարգերում: Բանկի ձեռքբերումները արտացոլում են բարձր որակի, նորարարությունների և սոցիալական պատասխանատվության մակարդակը, որոնք առանձնացնում են ժամանակակից ֆինանսական ոլորտի առաջատարներին»,- նշել է Global Banking & Finance Review-ի գլխավոր խմբագիր Բառնալի Փալ Սինհան:
Արդշինբանկի վարչության նախագահ Արտակ Անանյանը նշել է. «Մեր համար մեծ պատիվ է լինել Global Banking & Finance Review Awards մրցանակի հաղթող այս չորս անվանակարգերում: Սա մեր թիմի պրոֆեսիոնալիզմի, մեր հաճախորդների վստահության և տարիների ընթացքում ձեռք բերված փորձի արտացոլումն է: Մանրածախ, մասնավոր և կորպորատիվ բանկինգի ոլորտներում, ինչպես նաև կորպորատիվ սոցիալական պատասխանատվության ոլորտում մեր առաջնորդությունը հաստատում է, որ Արդշինբանկը շարունակաբար սահմանում է ամենաբարձր չափանիշները Հայաստանի բանկային ոլորտում:
Արդշինբանկը Հայաստանի առաջատար բանկերից մեկն է, որը առաջարկում է լայնածավալ բանկային ծառայություններ, ներառյալ մանրածախ, կորպորատիվ, ներդրումային և մասնավոր բանկային ծառայություններ: Բանկը սպասարկում է ավելի քան 580,000 հաճախորդ, իսկ նրա թիմում աշխատում է ավելի քան 2,300 աշխատակից: Բանկի գործունեությունը կարգավորվում է Հայաստանի Հանրապետության Կենտրոնական բանկի կողմից:
Աղբյուր՝ arka.am
