Ամերիկյան առևտրի պալատը Հայաստանում կընդունի Ամերիկյան առևտրի պալատների 4-րդ տարածաշրջանային տնտեսական գագաթնաժողովը 2027 թվականին: Այս մասին տեղեկացրել է Հայաստանի դեսպանությունը Բուլղարիայում, որտեղ տեղի է ունեցել 3-րդ տարածաշրջանային տնտեսական գագաթնաժողովը:
Գագաթնաժողովի ընթացքում քննարկվել են էներգետիկ անվտանգության, ենթակառուցվածքների, ֆինանսավորման և ներդրումների, թվային փոխակերպման, արտադրության, նորարարությունների, մատակարարման շղթաների և տարածաշրջանային փոխկապակցվածության հարցերը:
Հայաստանի Ամերիկյան առևտրի պալատի նախագահ Էլինա Մարկարյանը ներկայացրել է Հայաստանի ներդրումային հնարավորությունները:
Նշվում է, որ առաջին երկու գագաթնաժողովները կայացել են Ստամբուլում (2024) և Աթենքում (2025), իսկ այս տարվա գագաթնաժողովը հավաքել է ավելի քան 313 մասնակից 16 երկրներից:
Աղբյուր՝ finport.am
