Ադրբեջանի նախագահ Իլհամ Ալիեւը հայտարարել է, որ «Զանգեզուրի միջանցքը» հայտնի է նաեւ որպես TRIPP երթուղի։ Այդ մասին, ըստ Trend-ի, ասվում է Ադրբեջանի միջազգային ներդրումային ֆորումի մասնակիցներին հղված նրա ուղերձում։
Ալիեւի ձեւակերպմամբ՝ Ադրբեջանը, գտնվելով Արեւելք-Արեւմուտք եւ Հյուսիս-Հարավ միջանցքների խաչմերուկում, դարձել է կարեւոր օղակ եւ դարպաս Ասիայի ու Եվրոպայի միջեւ։
Նրա խոսքով՝ Միջին միջանցքը Կենտրոնական Ասիան Կասպից ծովով կապում է Հարավային Կովկասի, Թուրքիայի եւ Եվրոպայի հետ։ Իսկ ձեւավորվող «Զանգեզուրի միջանցքը», որը նա նաեւ անվանել է TRIPP երթուղի, ըստ Ալիեւի, էլ ավելի կամրապնդի Ադրբեջանի դերը որպես տարածաշրջանային հանգույց։
Ադրբեջանի նախագահի գնահատմամբ՝ այդ երթուղին կարող է առեւտրի, ներդրումների եւ արդյունաբերական համագործակցության նոր հնարավորություններ ստեղծել ողջ Եվրասիայում։
Աղբյուր՝ mediamax.am
