Ակբա բանկը ներդրել է էլեկտրոնային ստորագրության համակարգ

Ակբա բանկը համալրել է հաճախորդներին հեռավար սպասարկելու հնարավորությունները՝ ներդնելով պայմանագրերի ստորագրման էլեկտրոնային համակարգ։

Վարկային պայմանագրերի ստորագրման նպատակով իրականացվող քայլերի հաջորդականություն

1. Հաճախորդի էլեկտրոնային հասցեին ուղարկվում է փաստաթղթերի ստորագրման առաջարկ, որն ակտիվ է լինելու 10 աշխատանքային օր:

2. Վարկային փաստաթղթերին ծանոթանալուց հետո հաճախորդը սեղմում է «Անցնել ստորագրման» կոճակը, մուտքագրում է իր հեռախոսահամարին ուղարկված մեկանգամյա օգտագործման գաղտնաբառը և սեղմում է «Ստորագրել փաստաթղթերը» կոճակը:

3. Բանկի կողմից հաստատված փաստաթղթերը առանձին էլեկտրոնային նամակով ուղարկվում են հաճախորդի էլ. հասցեին, իսկ վարկի գումարը միաժամանակ փոխանցվում է հաճախորդի հաշվին՝ ավտոմատ գանձելով վարկի տրամադրման միանվագ միջնորդավճարը:

Վարկատեսակներ

Էլեկտրոնային եղանակով վարկային պայմանագրերի ստորագրման և վարկի ձևակերպումը հնարավոր է իրականացնել առանց գրավի և առանց երաշխավորի հետևյալ վարկատեսակների դեպքում:

• Սպառողական վարկ - մինչև 10 մլն ՀՀ դրամ
• Քարտային վարկային գիծ - մինչև 5 մլն ՀՀ դրամ (համարժեք արտարժույթ)
• Չվերականգնվող քարտային վարկային գիծ - մինչև 2 մլն ՀՀ դրամ (համարժեք արտարժույթ)
• Գյուղատնտեսական վարկ - մինչև 5 մլն ՀՀ դրամ (համարժեք արտարժույթ)

Աղբյուր՝ acba.am